Bogtyalilayts

May bago na naman akong nadiskubreng chibugan, malapit lang doon sa bagong bukas na the block sa west avenue. Flavors of China ang pangalan, marami silang masasarap ng chibug doon, pero dahil dalawa lang naman kaming lalapa ay minabuti naming piliin na yung pinakagusto naming lantakan. Ang napili ko ay yung sauteed mixed vegetable with young chow at sizzling tenderloin beef in honey glazed at isang banyerang flalies (read: fried rice). Pagdating nung order namin ay ayos ang pagkakagawa at marami ang bigayan, hindi krisis. Una kong napuna ay yung mixed vegetable nila, kasi mahilig talaga ako sa gulay kaya tinikman ko agad yung hinayupak na ulam. Suabe ang lasa at hindi lanta ang pagkakaluto nung gulay, meron kasing ibang mga cook na durog na yung gulay pag dating sa mesa mo. Yun namang tenderloin beef in honey glazed ay ok din ang timpla, kaya lang medyo kakaunti yata ang bigayan nila dito. Sana naman sa susunod ay dagdagan nila ng kaunti kasi mura lang naman ang beef. Pero in fairness to the highness, ayos ang lasa lalo't tatabunan mo ng flalies yung ulam tapos isasawsaw mo sa toyo and kalamansi na may chili garlic, tapos ang buto buto. Halos nakatatlong sandok nga ako ng flalies, ganung masyado pa naman akong conciues, conscious, consuios basta bawal sa akin ang maraming kanin kasi lumalaki ang tiyan ko, hindi tuloy malaman nung serbesang malamig na ininom ko kung saan siya lalagay sa tiyan ko. Kaya kapag naligaw kayo sa the block ay silipin nyo ito, huwag nyo ring kalilimutan parefill lagi ang ice tea nyo dahil one to sawa ito, ika nga sa ingles ay "unlimited", parang internet connection yata yung term ko dun ah.

Live man gid

Kainis naman ang mga may pakana nung live earth concert na ginawa sa ilang parte ng mundo. Yung live earth ay isang malawakang konserto na pinamunuan nung mga grupong samahan ng bantay kalikasan, para tawagin ang pansin ng mga pipol sa earth na maghulos dili sa mga pinaggagawa nilang paninira sa earth natin. Marami ang nagpalistang musikero para tumugtog, kaya nung nabasa ko ito sa isang pahayagan na puedeng ericycle, ay agad akong nagbukas ng Radiowealth TV namin para abangan ang nasabing konserto. Pero lungkot dahil puro news footages lang ng nasabing konserto ang ipinakikita. Sinubukan kong manood sa internet kung saan puede raw itong mapanood sa isang site ng msn. Ang problema naman, dahil sa sobrang bilis ng internet koneksyon ko, kahit utot man lang ni madonna ay hindi ko narinig. Kaya ang sunod na sinubukan ko ay ang internet radio kung saan puede rin daw pakinggan ang aktuwal na konserto. Ayos nakarating ako sa site nung sinasabing internet radio, pero dapat pala ay mag register muna ako. Sinubukan ko ring mag register pero siguro sa dami nang gustong magpalista ay hindi rin ako nakapasok. Kawawa naman kaming mga pagpag eaters, sa telebisyon na nga lang kami umaasang mapanood ang mga paborito naming musikero, kaso hindi pa ipinalabas sa pinas. Pero ok lang, hindi ba nila alam na ang pinas ang tinatawag na pirated DVD capital of the world, malamang 12 + 1 pa ang live earth concert na iyan kapag dumapo na sa kamay ng mga pirata. In the meantime, pagtitiyagaan ko na lang muna yung betamax tape ko nung No Nukes concert.

Welcome to my nightmare, i hope i didn't scare you

Moonshiner: Hello wala po akong internet connection.
Call Center Employee: Hello this is James Bond, puede pong malaman ang pangalan nyo sir?
M: Vinton Robert Cerf Khan
CCE: Yun naman pong service id number nyo?
M: 10071207
CCE: Sandali lang po chechekin ko lang ang base station kung may technical activity.

Pagkatapos ng ilang minutong paghihintay...
CCE: Sir Vint Cerf, upon checking naman po sa base station ay ok naman.
M: So bakit wala pa rin akong internet connection?
CCE: Sir pamilyar ba kayo sa ping test? pakibuksan naman po ang command prompt.
M: Ok nandito na ako sa command prompt.
CCE: Paki type naman po yung ipconfig /all.
M: Ok na type ko na
CCE: Ano po ang lumabas na IP address?
M: 123.456.789.101
CCE: Ok, paki type naman po yung ping 10.0.0.1
M: Ok na type ko na 100% loss naman
CCE: Paki type din po yung ping 203. 87.128.3 at pagktapos ay yung 203.87.128.4
M: Parehong 100% loss
CCE: Ping nyo naman yung 203.84.191.216
M: 25% loss
CCE: Ping nyo naman yung 192.168.224.1
M: 50% loss
CCE: Sir pamilyar po ba kayo sa Speed Test, paki type nyo po sa browser bar nyo.
M: Sandali lang at nagloload pa lang.

Pagkatapos ng siyam na minutong paghihintay para mag load ang Speed Test.
M: Ok 9.60 kbps
CCE: Ok sir after checking your connection and after conducting some troubleshooting, ginawan ko na po ng report at pinorward ko na rin po sa higher tech for evaluation. In the meantime, keep an eye on your connection within 24 hours at kapag wala pa rin pong nangyari ay igagawa ko uli ng follow-up report.
M: Ok thanks.
CCE: Is that all sir? any other concern po?
Moonshiner: Yes, wala akong internet connection.
Call Center Employee: Puede pong malaman ang pangalan nyo sir?
M: (this time i changed my name) Pink Panther po
CCE: Yun naman pong service id number nyo?
M: 10071207
CCE: Sandali lang po chechekin ko lang ang base station kung may technical activity.

Pagkatapos ng ilang minutong paghihintay...
CCE: Mr. Panther, upon checking naman po sa base station ay ok naman.
M: So bakit wala pa rin akong internet connection?
CCE: Sir pamilyar ba kayo sa ping test? pakibuksan naman po ang command prompt.
M: Ok nandito na ako sa command prompt.
CCE: Paki type naman po yung ipconfig /all.
M: Ok na type ko na
CCE: Ano po ang lumabas na IP address?
M: 123.456.789.101
CCE: Ok, paki type naman po yung ping 10.0.0.1
M: Ok na type ko na 100% loss naman
CCE: Paki type din po yung ping 203. 87.128.3 at pagktapos ay yung 203.87.128.4
M: Parehong 100% loss
CCE: Ping nyo naman yung 203.84.191.216
M: 25% loss
CCE: Ping nyo naman yung 192.168.224.1
M: 50% loss
CCE: Sir pamilyar po ba kayo sa Speed Test, paki type nyo po sa browser bar nyo.
M: Sandali lang at nagloload pa lang.

Pagkatapos ng siyam na minutong paghihintay para mag load ang Speed Test.
M: Ok 9.60 kbps
CCE: Ok sir after checking your connection and after conducting some troubleshooting, ginawan ko na po ng report at pinorward ko na rin po sa higher tech for evaluation. In the meantime, keep an eye on your connection within 24 hours at kapag wala pa rin pong nangyari ay igagawa ko uli ng follow-up report.
M: Endayyyyy, paki-kuha nga yung valium ko jan sa ilalim ng kama at yung baseball bat ko. Buksan mo na rin yung beer in can at akina lahat yan.
CCE: I'm sorry sir, James Bond po ang name ko at hindi enday. Wala rin po kaming inooper na valium, baseball bat at ice cold beer in can. Try nyo po dial ang 71207, dun po ang mga outbound call center employee. Is that all sir?
M: Sus (sabay kasa ko ng pirated DVD ng Live Earth concert at pinanood si Chaka Khan).

Siyete ka jan

Ngayon ay July 07, 2007, in short 777, masuwerte daw ang araw na ito, kaya sigurado, maraming tataya ng lotto ngayon, marami rin ang magpapakasal sa araw na ito, baka nga naman suwertihin sila. May mga mapagsamantalang manyak naman ngayon ang magyaya sa kanilang mga syota na pumasok sila sa loob ng room 777 at bumayad ng seven hundred seventy seven pesos, para magpaputok ng seven times. Pero bakit nga ba marami ang naniniwala sa mga suwerte ng numero, totoo nga kaya ito. Kaya pala nung nakaraang taon ay marami ang hindi lumabas ng bahay nung June 06, 2006 dahil baka naman sila malasin. Kung minsan parang nagiging komersyal na rin tuloy ang mga ganitong pagkakataon. Subukin mong lumabas ng bahay ngayon at mamasyal sa mga mall, kahit saang mall, puede sa SM Megamall, North EDSA Mall, SM Marilao, SM Centerpoint, SM Tayuman, teka mukhang puro SM na lang yata ang mall ngayon (para sa pagpag eaters lang naman ang choice na yan). Tignan nyo mamaya puno ang mga mall na yan, kasi gusto ng mga pipol na magiging memorable ang kanilang triple 7, madali nga namang tandaan kung nasaan ka nung araw na iyon. Ang siguradong tatabo na naman ng kita dito ay ang mga singkit na negosyante. May nabalitaan pa nga ako na marami raw ang gustong pumasyal sa bahay ni Jaworski ngayon para magmano at pahiran ng panyo ang kanyang buong katawan ala Sto. Nino sa Quiapo. Para sa akin isang simpleng araw lang din ngayon kahit na ba puro siete siya. Ang hinihintay kong petsa ay yung 071207, dahil sa araw na iyon ay siguradong susuwertihin kami huwag lang magkakaroon ng family affair. Sige mga bro isiyete nyo na.

You keep all your money in a big brown bag inside a zoo

May bago na naman akong nadiskubreng chibugan, ito yung Highland Steakhouse na matatagpuan sa MOA. Una ko itong narinig dun sa mga kakilala kong may kaya. Sa Tagaytay daw nagsimula ang kainang ito, at "exclusive for members only" lang ang puedeng chumibog doon. Masarap daw ang Rib Eye Steak nila at maganda ang ambence, ambianse, ambiance, basta maganda daw ang loob ng restoran, log cabin ang interior. Kaya nung mabalitaan ko na nagbukas sila sa MOA ay agad na kinontak ko si Mang Henry. Gusto ko kasing malaman kung magkano ba ang magagastos ko kung sakaling chumibog ako doon. Ang masamang parte ay nag-iba na pala ng cell number si Mang Henry, kaya hindi ako nakakuha ng impormasyon sa lokong taipan. Weno may internet naman, kaya ang sumunod na ginawa ko ay tinignan ko ang website ng nasabing chibugan. Sa aking pagsasaliksik, nalaman ko na ang isang Rib Eye Steak na 14oz pala sa nasabing chibugan ay nagkakahalaga ng P1,450, wala pang kasamang drinks yun manong. Pero puede ka naman palang umorder ng kalahati, so P1,450 devided by 2 equals 700+. Seven hundred plus para sa isang tanghalian? tangina ny...oops sorry nabigla lang ako, i did not mean any harm, sorry uli. Pero ang P700 hundred ko ay makakabili na ng tatlong pirasong bangus worth P200, isang kilong tapahing baka, yung malambot na yun worth P220, isang kilong choice's cut na manok worth P130.00, Isang kilong liempo, P140.00 at may sukli pa ako para mabigyan ang mga batang paslit at yung watch my car boy. Pero mag-iipon pa rin ako dahil masarap daw talaga kumain ng steak jan, hinahanda ko na nga yung instamatic camera ko at 36 shots na negative. Pag nagkaroon na ako ng budget para chumibog jan, sisiguraduhin kong marami akong souvenir shot sa loob ng nasabing steakhouse, lalo na dun sa log cabin interior na pinagmamalaki nila na maganda raw talaga. Ano na nga kaya ang bagong cell number ni Mang Henry.