Hanep talaga itong si topher kapag nag ayang mag-inuman, ang daming pulutan. Sa kambing pa lang ay panalo na, nanjan ang kaldereta, adobo, kilawin, sinampalukan at papaitan. Tapos meron pang lechon, kare-kare, embutido, relyenong bangus na kasing laki ni moby dick. Sabagay dapat talaga siyang maghanda ng ganito karami, kasi pa abroad na si loko at ang pupuntahan niya ay yung lugar na masyadong maraming pera ang mga pipol. Halos hindi ko nga malaman kung paano ko uubusin yung erbuk ko na puro ice cold. Ang maganda pa nito ay puro singer yung mga nakaharap namin kaya napilitan na naman akong kantahin yung swan song kong "i'm not in love". Katuwaan lang naman kaya nagpaunlak na rin akong umawit kahit hindi ko porte ito. Ang mabigat lang ay hindi ko na halos matandaan kung paano ako nakauwi at ang isa pang mabigat ay nung buksan ko ang ref ko at may nakita akong isang malaking pata ng lechon at isang rekwang papaitan.
0 comments:
Post a Comment