Kabilin bilinan ni lola, huwag daw uminom ng serbesa

Sanabagets, kung kailan naman mahaba ang bakasyon ay saka pa ako nadale ng pamamaga ng gums, Gingivitis or Periodontitis ba tawag dun?. Ang bangis din naman ni bossing, read: JESUS, idinamay pa ako sa kalbaryo niya. Ganung kapag santo-santo ay hindi naman ako lumalabas ng bahay at talagang nangingilin ako. Yun iba nga diyan ay bale wala ang santo-santo at ang inatupag ay maglublob ng nakabikini sa boracay. Dapat siguro yun na lang ang mga tinubuan ng pamamaga ng gums para ipaalala sa kanila na ang kuwaresma ay panahon ang pag aayuno at hindi paglublog sa boracay.


Sabagay, kung marami rin lang akong pera, siguro nandun din ako ngayon sa boracay o sa ibang magagandang dagat dito sa pinas. Pero ibang usapan na yon. Nagtanong nga ako sa kilala kong dentista kung ano ang dahilan bakit namaga ang gums ko. Buwakanabitz, sabihan ba naman ako ng puro medical term, parang may narinig pa nga akong word na cementum at calculus?. Kaya ipinaulit ko sa kanya kung ano ang dahilan ng pamamaga ng gums ko, dun sa salitang kanto na madali kong maiintindihan. Ang sagot niya, sobra daw kasi ako sa inom. Bigwasan ko nga sa panga, o di talsik yung second molar niya, pati yung periodontium at pulp canal niya nadamay tuloy, sinungaling kasi. Enday akina nga yung micardis este yung dolfenal ko jan at pakibukas na rin yung malamig na serbesa ko pleassseee.

myGlobe iPhone woes

"Get the iPhone 3G Prepaid Kit 8GB and the 16GB.

Plus, you can even enjoy up to 50 hours of mobile internet with your new iPhone 3G! Prepaid kits come with a P1000 rebate good for 5 months (P200/month) so you can go and enjoy surfing and browsing on-the-go!"

Yan ang sabi nung Globe sa website nila, kaya ako naman si ogags ay naingganyo, binasag ang piggy bank at takbo agad ako sa pinakamalapit na Globe outlet (Trinoma). Pagdating dun ay hindi na ako nagpaligoy-ligoy pa dahil matagal ko na naman talagang gustong magkaroon ng iPhone. Kaunting kuwentuhan nung CSR (Customer Service Representative?) at ola, inilabas na sa itim na box ang iPhone 16GB...YAHOO!!!. Oops bayaran nyo po muna sa cashier bago ko ipahawak sa inyo ang unit. Pagkabayad sa cashier ay agad akong bumalik sa CSR para mahawakan na ang iPhone, pero ang sabi nung CSR ay ilalagay nya raw muna yung sim card at ipareregister yung sim card para sa TIME based achuchu. Neweis, nung matapos ang seremonyas ay tinanong ko agad ang CSR kung kailan ako makakatanggap ng libreng P200/month na load. Sagot niya ay "the next cut off date" daw o sa tagalog, basta hintayin mo lang.

Makaraan ang ilang araw/linggo (November 27, 2008) ay biglang may dumating na P200.00 load, YAHOO!!!. Pagkatapos ay lumipas ang pasko at bagong taon, pero walang dumating na load. Siguro busy ang mga myGlobe pipol kaya hindi nila naalala na ipadala sa akin yung P200/month kong libreng load (actually hindi libre ito kungdi rebate* ito). Pasok ang January hanggang matapos ang buwan, wala pa rin ang P200/month kong rebate/free load. Takbo ako agad sa Globe outlet para ipaalam sa kanila. Matapos ang ilang beses kong pagpunta sa lahat ng Globe outlet na makita ko sa mga mall ay may dumating uling rebate/free load na P200/month nung February 11, 2009 (3 buwan mula nung bilhin ko ang iPhone unit). Pinagana ko ang kaalaman ko sa math, dalawang P200/month na rebate/free load (November 27, 2008 and February 11, 2009), so may kulang pa silang P600 na rebate/free load sa akin na dapat sana ay tapos na kung pinadala na nila ito nung buwan ng December 2008, January at March 2009.

Bakit ko biglang naisulat sa blog ko ang buwakanang inang kuwentong ito? kasi yung anak ng tupang P200/month na rebate/free load ko ay hanggang sa araw na ito ay hindi pa din dumadating. Nagpapunta na ako ng tao sa Globe outlet nung January 23, 2009 (PRR09010000214); March 18, 2009 (PRR09030000128); March 30, 2009 (CTT09031472857); April 03, 2009 (TUC09040000007) at April 07, 2009 (TUC09040000007), pero wala pa rin silang ginagawang aksyon at ang lagi nilang sinasabi ay "after five working days" po ay magkakaroon na iyan ng resulta. Sinabi sa akin nung kausap ko kanina na si Nella ng Globe SM North EDSA Cyberzone (nagkagasta tuloy ako sa chibug at parking kahit hindi ko gustong dumaan jan sa mall), na mag eemail daw siya para ipaalam dun sa mga namamahala ng pagpapadala ng P200/month na rebate/free load at nangako pa si Mam Nella na tatawagan niya ako bandang alas kuwatro ng hapon ngayon April 07, 2009 para kunin ang IMEI ng iPhone na nabili ko at kung ano rin ang naging resulta sa huling report/reklamo ko. Dumating ang alas kuwatro ng hapon ngayon hanggang sa sinusulat ko ito ay walang Nella ng Globe na tumawag sa akin para alamin ang IMEI ng iPhone na nabili ko. Kung kayo ngayon ang nasa kalagayan ko, ano ang masasabi ninyo? martes santo na rin lang naman. TAKSIYAPO, IPAKO SANA LAHAT KAYO SA KRUS AT SILABAN SA SILANG CAVITE.

*Rebate- (marketing), a type of sales promotion used in marketing; an amount paid by way of reduction, return, or refund on what has already been paid or contributed.

sunday palm sunday

Simula na talaga ng kuwaresma, pati klima pang mahal na araw na. Para sa matatanda ito na ang simula ng santo santo, pero para naman sa karamihan, read: sexually active, ito na ang simula ng mahabang "hey hey hey". Sabi nga ng mga datans, ang santo santo raw ang pinaka solemm na araw sa pinas, dahil ito yung panahon na pinahirapan si bossing ng mga hudyo dahil siya ang tumubos sa mga kasalanan ng tao. Yun yung dating nakagawian ng mga pipol. Pero ngayon kapag pumasok na ang palm sunday hanggang mag easter sunday, ang dapat ay nasa beach (boracay) ka o kung di ka makasiksik sa boracay ay nandun ka naman sa baguio o tagaytay.

seaside paluto

(photo courtesy of wikipedia)

Nagkaroon uli ako ng pagkakataon na makapasyal sa dampa (seaside) sa macapagal avenue para tumoma at mamulutan. Matagal na kasing nakaeskedyul ang nasabing tomaan kaya lang ay laging napopostpone. Pagdating ko sa nasabing lugar ay inabutan ko na doon ang makakaharap ko sa kuwadradong mesa sa araw na iyon. Hindi na kami nagpaligoy-ligoy pa. Kaunting kamustahan at pagkatapos ay dalawang bucket na agad ng malamig na serbesa. Isang bucket ng SMB (beer pilsen) at isang bucket ng SML (san miguel lights). Yung dalawang kasama naman namin ay nagtiyaga na lang sa isang boteng Johnnie Walker Black. Ang una naming kinuha/pinalutong pulutan ay ang Pampano (1.3 Kilo-P390.00 + P270.00 paluto charge) at Suwahe (1/2 Kilo-P210.00 + P120 paluto charge).

Medyo bitin ang tanpulutz namin kaya naisipan kong pumunta sandali sa "palengke" para bumili ng "gulay"...este para bumili ng iba pang tanpulutz. Ang una kong hinanap ay yung sariwang tuna para gawing sashimi. Bumili ako ng isang kilong tuna (P380.00/Kilo) at lumot/pusit (P150.00/Kilo). Pagbalik namin dun sa iniinuman namin (Ka Ising-Lot 5A, Macapagal Blvd, Pasay City) ay ipinaihaw ko ang lumot/pusit (P180.00-paluto charge) at yung sashimi ay ipinalagay namin sa magandang pinggan. Masarap ang sashimi dahil sariwa. May natutuhan pa akong kaunting sekreto kung paano mo magagawang malasa ang sashimi dahil yung isang kainuman namin ay sinabihan ang isang waiter na buhusan ng kaunting seven up ang tuna bago iahin sa amin. Ang hindi ko lang nagustuhan ay nung magpa running cheat kami. Kasi may nakita akong paluto charge na P120.00 para sa sashimi.

Putang ina, bakit magkakaroon ng paluto charge ang sashimi? tinignan ko sa google kung ano ang ibig sabihin ng sashimi at doon ko nadiskubre na ang ibig sabihin ng sashimi "is a Japanese delicacy primarily consisting of very fresh raw seafood, sliced into thin pieces". Sa salitang tagalog sariwa at hilaw na isda. Masyado nyo naman yatang inaabuso ang mga kustomer ninyo. Ipinagmamalaki pa naman kayo ng mga kasama namin na masarap uminom sa lugar ninyo, pero paano naman mag eenjoy ang mga kustomer sa inyo kung kayo mismo ang humoholdap sa kanila. Ok lang sa amin kung lagyan nyo ng kaunting charge/corkage? ang dala naming pulutan (sashimi) pero huwag naman sanang masyadong holdap. Neweis kahit medyo nadale nyo kami dun sa "paluto charge" nung sashimi, overall rating ko sa resto nyo ay "good" dahil friendly ang staff ninyo at masarap magluto ang cook. SMB/SML Bucket pa please.

confucker virus?

May malakas na virus daw na papawalan ngayon (april 1) ang mga magagaling na tinamaan ng lintek na mga gumagawa ng virus. Ang sinasabi nilang virus ay ang worm na kung tawagin nila ay Virus Conficker C or Downadup worm. Kaya raw burahin ng nasabing virus ang lahat ng files mo sa computer at baka pati yung mga nadownload mong hubong litrato ng mga hollywood celebrities ay hindi daw patatawarin ng nasabing tinamaan ng lintek na virus. Ang nakakatuwa pa nito, ang pinagsususpetsahan na naman nila na maaring pinanggalingan ng nasabing virus ay ang china. Made in China? Ho? (with mike enriquez accent.) Kasi may lumabas na issue tungkol na rin dun sa tinatawag na cyber spy (ghostnet) na maari rin daw na nagmula sa china.


Binabasa ko nga sa jaryo habang nasa taco beach (kubeta) ako kung gaano kalupit ang nagagawa ng nasabing software. Kaya raw buksan nito ang ibang computers para malaman kung ano ang laman ng computer mo at puede rin nilang paganahin ang webcam mo. para makita nila kung sino ang gumagamit ng computer. Bigla ko tuloy naalala nung minsang isinama ko sa bahay ang pamangkin kong babae na may edad na 3 taon. Mahilig kasi itong maglaro ng Barbie at all about girls games. Mga simpleng larong bata na kung ipapaliwanag ko pa sa inyo ay baka abutan na ako ng nasabing virus. Tignan nyo na lang ang website nila. Neweis, bigla ko ngang naalala nung minsang naglalaro yung pamangkin ko nung nasabing barbie games. Kasi nung ma perfect niya yung games ay biglang may nag pop out na message at tinatanong kami kung gusto naming payagan ang barbie site na buksan daw nila ang webcam namin para makita nila kami. Buti na lang at nakabantay ako sa harap ng computer habang naglalaro ang 3 taong gulang na pamangkin ko. Hindi pa kasi marunong bumasa ang bata, kung hindi ako nakabantay ay malamang na na click niya ang option na "ok" at baka hindi namin alam ay nanonood na ang mga intsik sa amin thru remote web cam. Kung nagkataon ay baka magulat pa ang mga intsik na marunong din palang mag computer ang mga pinoy na kung tawagin ng isa nilang journalist na "a nation of servants".