Sayang hindi ako nakalusot bilang aplikante dun sa isang pakontest na ginawa kailang lang. Ang tinutukoy ko ay yung pakontest kung saan ikaw ay isasama sa isang isla at magiging "caretaker" ka nung nasabing isla sa loob ng anim na buwan-may sahod ka pang dolyares. Ang magiging trabaho mo? wala naman, magliliwaliw ka lang sa isla sa loob ng anim na buwan at bilang ganti ay isusulat mo naman sa blog ang mga naging ekspiryens mo sa isla para naman mabasa ng buong mundo. Buwakanabitz, saan ka pa, yung ibang tao halos magpakamatay magtrabaho para lang may magastos para makapasyal sa magagandang lugar sa mundo. Tapos dito ay babayaran ka nila ng dolyares para lang tumigil o tumira sa nasabing isla-all expense paid, sarap. Minsan talaga, suwerte suwerte lang ang trabaho. Neweis dahil na nga hindi ako nakalusot sa nasabing pakontest, kaya heto simula na naman ng pagpapakamatay ko sa trabaho para makaipon ng kaunti para may magastos sa simpleng garnacha ko.
0 comments:
Post a Comment