AA

Masarap din pala yung feeling nung nagbabawas ka ng inom. Hindi tubig buset, kundi toma. Para kasing pakiramdam ko ay gumagaan ang katawan ko. Siguro dahil resulta na rin ito nung hindi naiipon sa tiyan ko yung malamig na serbesa at crispy pata. Nagtataka nga ako kung bakit ang mga noypi naman kasi huwag lang di magtama ang mga mata ay inuman na agad. Marami namang puedeng gawin ng hindi ka totoma. Nanjan yung magpunta ka sa mall at magbowling ka. Pero siempre masarap uminon ng nagbo bowling. O kaya naman ay mag night swimming. Masarap din kasing uminom lalo na't night swimming. Ah alam ko na para makaiwas sa toma ay mag malling na lang. Kaso ang dami ring magandang inuman sa mga mall. Buset, parang lahat yata ng naisip kong activities ay may kaugnayan sa inom. Enday, pakisuyo nga ng apat na malamig na serbesa, pakisabi na lang na isasaoli agad natin ang basyo.