clean up time

Ano kaya ang magandang gawin ngayon?. Ayoko kasing matengga na naman ako sa harap ng computer. Marami na kasi ang nakakapuna na tumaba daw ako. Siguro dahil na rin nga sa kaiistambay ko sa harap ng computer. Malakas talagang makataba ito dahil wala kang kagalaw galaw man lang dito. Sana mauso yung upuan na may nakakabit na pampapayat para habang nag iinternet ka ay nilulusaw yung taba mo. Pero malabo yatang mangyari iyon. Ah alam ko na, linisin ko kaya yung aparador ko. Marami na rin namang damit doon na halos hindi ko na naisusuot, ipamimigay ko na lang iyun para naman mapakinabangan ng ibang tao. Tama yun na lang ang gagawin ko pagkatapos kong sumulat ng blog, bisitahin ang e-mail ko, makisilip sa facebook ng iba, twitterin yung nilalaman ng isip ko at maglaro ng texas poker face.

Kaya lang baka gabihin naman ako sa paglilinis. Bukas na lang kaya. Oops sino itong nagtext, si bisaya magpapa-inom daw dahil birthday nung sixteen.