Mukhang sumasama nga yata ang lagay ng ekonomiya sa atin. Nung dati kapag biyernes ay halos hindi na ako magkandatuto, halos hilahin ko ang mga daliri ng orasan namin sa opis para tumapat na sa uwian. Kasi kapag biyernes ay araw ng gimik ko, kaya pag dating ng uwian namin sa opis ay halos magpadausdos ako pababa ng gusali para makarating ng maaga sa gigimikan ko. Pero ngayon ang una kong naiisip nung mag uwian ay talagang umuwi ng haybol. Hindi bale sa haybol na lang ako titira ng apat o limang malamig na serbesa. Kaya lang pagdating ko naman ng haybol ay tinamad na ko. Walang kabuhay-buhay kasing tumoma sa haybol lalo na kapag biyernes. Masarap pa rin kasi kapag biyernes ay yung habang tinutungga mo ang malamig na serbesa ay may natatanaw kang magagandang chiching na nakashortshort. Pitimi.
0 comments:
Post a Comment