Matagal na rin mula nung mapasok ako sa simbahan, pero hindi porke't hindi na ako pumapasok sa simbahan ay naging pagano na ako o naging kampon ni taning. May sarili akong dahilan kung bakit bihira na akong makasilip sa bahay ni bosing. Paladasal pa rin naman ako, kaya siguro medyo mabait pa rin si bosing sa akin. Kasi kapag rin lang may nangyaring mabuti sa akin, tingin agad ako sa itaas at pabulong akong magpapasalamat sa kanya. Basta para sa akin, lahat ng kilos at balak kong gawin ay siya lagi ang tinatanong ko at ginagawang backer. Ang nakakatuwa lang, kapag may hiniling ako, nagugulat na lang ako at dumarating naman. Hindi pera o sandamakmak na kuwarta ang hinihiling ko kay bosing, sagot na ng PCSO yun. Ang hinihiling ko minsan sa kanya ay sana bumuti ang kabuhayan at kalusugan ng mga kapit-bahay ko, mga kaibigan ko at kung maari nga sana ay lahat ng tao sa mundo para mawala na yung inggitan at siraan. Kaya nung minsang mapasok uli ako sa simbahan ay nagpasalamat ako sa kanya sa mga natanggap kong biyaya. Kaya lang pati pala sa simbahan ngayon ay may mga nakapaskel na ring babala, ganun na ba kalupit talaga ang mga pipol.
0 comments:
Post a Comment