Hanep din naman ang epekto ng text messaging sa atin. Nung araw kasi lalo na't pag pasko, kailangan pa nating gumawa ng mga christmas cards at sulatan natin ng mahahabang mensahe at tapos ay lalagyan pa ng stamp at saka ihuhulog sa post office. Bago pa man makarating sa atin ang nasabing christmas card ay nauna nang basahin ang mga ito nung kartero. Kung minsan naman, hindi na umaabot sa atin ang christmas card, kasi lasing na yung kartero at tinamad nang dalhin ang christmas card. Enter text messaging era: ngayon pindut pindutin mo lang ang qwerty mong cellphone at tapos ay hanapin mo ang mga contacts na nakasave sa cellphone mo, alas-send na agad. Ang downside? ngayong pasko ay nakatanggap ako ng isang text message na ipinadala sa akin ng labing apat na beses ng labing apat na tao na nakasave sa contacts ko. Yung isang message naman ay walong beses ko natanggap sa ibat-ibang kakilala ko. Ang dahilan kasi kapag narecib nila ang message ay basta na lang nila iporforward sa mga nakalistang contacts nila sa cellphone. Halata mo tuloy na hindi galing sa puso nila ang christmas message nila kungdi forwarded message na ipinorward lang din sa kanila at ipinorward naman sa akin. Kaya ako naman ay ipinorward ko na rin sa iba. Ang resulta? yumaman na naman ang mga telco o service provider ng mga cellphone natin...BUWAKANG.....err, i mean...MERRY CHRISTMAS SA LAHAT AT GIVE PEACE A CHANCE.
0 comments:
Post a Comment