chibugchalilayts

Nadadaan ba kayo jan sa J. Jimenez St., Kamuning? kung nadadaan kayo jan, sigurado napuna nyo na rin yun parang maliit na kainan jan na lagi na lang maraming nakaparadang magagandang sasakyan. Snackaroo ang pangalan nung kainan, siguro ang specialty nila dito ay kangaroo. Madalas kasi akong mapadaan diyan dahil na rin sa trabaho kong pag-aahente ng imported na tokwa from Japan. Newey, matagal na rin pala ang kainang ito, kaya minsang inabutan ako ng gutom sa lugar ng Kamuning at wala akong makitang class na lugawan ay sinadya ko na ang Snackaroo. Wala na akong nagawa kungdi ang subukin ang nasabing kainan na mukhang karinderya lang. Napuna ko agad na marami silang mga kalderong nakahelera. Isa- isa kong sinilip kung ano ang mga laman nito, may papaitan, bulalo, kaldereta...bago pa man malula ang sikmura ko sa pipiliin kong ulam ay inispayan ko ang mga kumakain kung ano ang kanilang inuulam. Dito ko napuna na halos karamihan sa kumakain ay may mga ulam silang steak. STEAK sa karinderya?, kaya pumuwesto na ako sa bandang likuran at pabulong na tinanong yung waiter na babae kung ano ang tawag dun sa mga inuulam na steak nung ibang kumakain. T-bone steak raw iyun, kaya yun na rin ang inorder ko. Maya-maya pa ay dumating na ang order kung T-bone steak. Malaki ang bigayan nila ng isang order, ang napuna ko lang ay halos malunod sa gravy ang nasabing steak. Ipinikit ko ang aking mata, nag in-trance sandali sabay nag thank you lord at attttackkkk. Masarap ang nasabing steak kahit na nakatago ang lasa niya sa gravy, kaya lang napuna ko na parang yung kanin nila ay hindi primera klase, para bang pang karinderya lang talaga. Mura lang naman ang magandang bigas kaya nagtataka ako sa mga nagtatayo ng karinderya kung bakit mumurahing bigas pa ang sinasaing nila. Matapos kong chumibog ay tinanong ko na kung magkano ang naging damage ko sa kanila. Nung iabot sa akin ang chit ay saka lang ako nakadighay...mura lang naman pala at kaya pa ng intel budget na ibinigay sa akin ng bureu, beauru, byuru, bearu...ah basta mura lang kaya nakuha ko pang mag-iwan ng tatlong pisong tip.