no reply

May nagtext sa akin at ganito ang nakalagay, "D[i] ako iinom pag d[i] ka pumunta m[a]m[a]y[a] p[a]re". Paano mo naman tatanggihan ang ganitong imbitasyon, halos sa akin ngayon ibinigay ang ika nga sa salitang ingles- burden. Isipin mo maaaring hindi siya malasing mamaya kapag hindi ako nakapunta. Ano na lang ang sasabihin niya sa akin kapag tinabla ko ang imbitasyon niya. Iyan ang masarap sa tunay na kaibigan, basta naalala ka niya may okasyon man o wala-fight. Ang mahalaga ay magkaroon uli kayo ng kaunting oras para sariwain yung mga dating kabalastugan ninyo at makatawa uli ng kasinglakas ng tawa ni judas sa mga paulit ulit na jokes na binibida ninyo. Bihira na kasi ngayon ang ganyang harapan, dahil na rin siguro sa hirap ng buhay o dahil na rin siguro dumami na ang magugulang sa inuman. Kaya nga nung matanggap ko ang nasabing text message niya ay ito naman ang isinagot ko, "Siguradong mapapainom ka mamaya pare".