dont mess with my poopooh

Marami na akong naging trabaho na nagampanan ko naman ng maayos, pero nung makita ko yung ginagawa ng mga malabanan group of companies ay medyo nag-iba ang pagmamahal ko sa kasalukuyang kong trabaho. Ang tinutukoy kong mga trabahador ay yung bang gumagawa ng poso negro. Ngayon ko lang kasi nakita kung paano gawin ang isang barado at punong poso negro. Kung para sa akin, kailangan talagang mahal mo ang iyong trabaho bago mo magampanan ang ginagawa ng mga naglilinis ng pozo negro. Ang akala ko kasi nung araw ay basta lang nila ilalagay ang gamit pangsipsip sa loob ng ating mga poso negro, hindi pala ganoon lang iyon, kasi kapag pala barado na ang mga ito ay kailangan din linisin ito sa pamamagitan ng kanilang kamay. Kaya nung lumusong sa poso negro ang isang trabahador ay nabigla ako, kasi ang daming puedeng dumapong sakit sa taong ito. Halos kalahati ng katawan niya ay nakalubog sa tubig ng poso negro, pero nung inoobserbahan ko siya, nakita ko ang dedikasyon niya sa trabaho. Kaya nga tuloy nasabi ko na lang sa isip ko na kapag pala gusto talaga ng isang tao na magkaroon ng trabaho, madali itong magkakatrabaho, huwag lang siyang mamimili.