Runnin with the devil

May natanggap akong text message at ito ang nakalagay-"If ur drivin aftr dark on Fri n Sat nights n u c an oncoming (sic) car w no headlights on, DO NOT FLASH UR LIGHTS @DEM. Dis is a BLOODS gang initiation. D new gang member drives along w/o headlights or high beams & d 1st car 2 flash headlights @ him/her becomes his/her TARGET. He's required 2 chase & spot dat car den shoot & kill every 1 in d vehicle 2 complete his/her initiation. Dis warning s from POLICE stations nationwide. Pls 4ward to friends n family". Hindi ako masyadong naniniwala sa mga ganitong text message, kaya lang ang nagpadala sa akin ay kilala kong tao at hindi naman siya lunatic, kaya binigyan ko na rin ng pansin, wala namang masama. Pinag iingat lang naman ako at wala namang nakalagay sa text na iforward ko sa isang daang tao na nakalagay sa contact list ko, so hindi siya isang spam text message. Naisip ko tuloy na ganito na ba talaga kalupit ang mga tao, parang ang may kakayanan lang na gumawa nito ay yung mga sumasampalataya kay "taning". Naalala ko tuloy bigla yung kumalat na isyu nung araw na kapag daw pinatugtog mo ng pabaligtad yung kanta ng Led Zep na Stairway to Heaven ay may maririnig kang mga salita na para bang mga mensahe ni satanas. Kaya bigla ko tuloy hinalukay yung turn table kong may belt drive (mga tol bihira na ang mayroon nito) at ikinabit sa luxman power amp. Tapos ay nilinis ko yung plaka kong Led Zep na ang cover ay yung mama na may bitbit sa likod na stalk o mga panggatong yata iyon, Led Zep IV ang tawag dito kung saan featuring dito si Sandy Denny (vocal on track 3-The Battle of Evermore). Ikinasa ko agad ito sa turn table at inilagay yung karayom sa track 4 (Stairway to Heaven), tapos ay pinaikot ko ng pabalik yung plaka...oops may naririnig nga akong ibang salita, kaya lang medyo malabo, parang Wohhhh, inikot ko uli ng isa pa...Wohhhh, binilisan ko ang ikot nung plaka...WohhhhWohhhh, medyo tumayo tuloy ang balahibo ko, pero hindi ako natatakot dahil may suot akong bawang at krus sa leeg ko. Nagbungtong hininga lang ako ng malalim at nilakasan ko ng kaunti ang volume nung luxman power amp ko at sabay pina-ikot ko ng mabilis yung turn table...at ito ang narinig ko Wohhh....Wohhhh, ikot pa bilis...Wowowee Wowowee sinong di mawiwili...Wowowee Wowowee.