Nothin' but blues and Elvis

May bago na naman tayong puedeng dapuang istasyon sa FM Radyo kung sakaling mabara tayo sa traffic. Isa itong semi classic rock station at doon mo lang maririnig ang mga paborito nating tugtugin nung panahong sikat pa ang ornacol vitamins. Ang maganda pa nito ay hindi siya static, hindi katulad nung nagsarang classic rock station na nasa AM. Sigurado puputok na naman ito sa mga rock classic listeners dahil narinig ko minsan sa kanila na kinuha nila si Howlin Dave para hawakan ang Sunday pinoy rock and rhythim, rithim, rhythym ah basta, si Dante David ang uupo sa booth kapag linggo, alas dose hanggang alas tres ng hapon. Sira na naman ang beauty rest ko nito, dahil aabangan ko ito. Matagal na rin akong hindi nakikinig sa mga radio stations mula nung mauso yung MP3, kasi sa MP3, puede mong piliin ang gusto mong marinig na tugtog, at wala ka pang dapat imemorize. Pero nung mapasadahan ko ang nasabing classic rock station o kung tawagin nila ay "underground station", bigla akong nagkainteres uling makinig sa radyo. Sana naman gawin nilang totoong classic rock station, kasi baka mamaya may mga tatay na maimpluwensya jan at ipasingit yung mga tugtog nung mga anak nilang naging combo, kahit wala naman talagang tono yung mga komposisyon nila. Ang dami ko na ngang isinulat ng request para patugtugin nila sa kanilang istasyon. The beat goes on, put your money where you mouth is, that's the way i like it...aha aha, oops teka sa ibang istayon ko pala request ang mga kantang ito, nabuko tuloy akong hilaw na rocker.