Pulang hasang

Nagkapulahan na naman ang mga hasang ng mga "opusmeyt" ko kahapon, July 25. Paano ba naman ay may nagdiwang ng birthday sa amin at ang daming inihanda. Pito o walong putahe yata yung nakita kong nakalagay sa stainless na lalagyan at may apoy pa sa ilalim. Puwera pa dito yung sashimi na dala ko at siempre pa, hindi makukumpleto ang handaan kung walang alak at serbesa. Sabi nga nung mga barako, mawala na lahat ang handa, huwag lang mawawala ang alak at serbesa. Halos hindi kami magkandatuto kung ano ang uunahin naming lapain sa mesa, mayroong chicken, barbeque, lumpiang toge, beer with broccoli, mixed vegetables, pancit (pampahaba ng etits), ung iba kaya hindi ko matandaan kasi hindi ko tinikman. Pagkatapos ng tanghalian ay nagpahinga lang kami sandali at sabay laklak na nung alak at serbesa. Iika ika nga ako nung dumating sa opis dahil pakiramdam ko ba ay inatake ako ng Gout. Pero binalewala ko muna yung nararamdaman ko, mahirap na baka maubusan ako ng toma. Marami nga ang nagtatanong sa amin kung bakit marami daw ang handa at mukhang malakasan ang inuman. Wala lang sabi ko, bertdey lang naman nung Boss namin, baket may angal?.