This is the day- Your life will surely change

Halos hindi tumitigil ang tunog ng beeper at easy call ko, samantalang ang CB Radio ko naman ay panay ang pasok ng mga "breaker". Hindi kasi sila lahat magkandatuto dahil ngayon pala gagawin ni Coyote ang kanyang "Family Affair". Yun nga raw isang kakosa namin sa kuwadradong mesa ay nakaungaong na dun sa haybol ni Coyote. Sigurado, sagaran na naman ang laban namin dito, matagal na rin naman kaming nagkaharap ng mga tropa, dahil na rin sa nagpanggap kaming busy lahat sa buhay. Pero ang totoo noon ay nagmahal lang talaga ang erbuk at pulutan kaya bihira kaming magkita kits. Para tuloy fiesta sa looban namin ngayon, masyadong abala ang mga nocturnal boys dahil alam nila na "this is the day, our life will surely change". Makapagbihis na nga at baka maubusan pa ako ng malamig na serbesa. Bukas ko na itutuloy ang kuwento ko tungkol sa lintek na bertdeyan. Hayan tumunog na naman ang beeper ko, hinahanap na raw kami dahil yung isang nakaungaong doon sa bahay nila Coyote ay tumotoma na raw....TIRHAN NYO KAMI MGA HINDOROPOT.