An old guitar is all he can afford

Siguro nanibago kayo sa mukha nung blog ko ano. Ganyan talaga kapag hindi mo rin lang mapagana ang paa mo para maghanap-buhay, dahil na rin sa gouty arthritis, kaya ang pinagana ko na lang ay ang mga kamay ko. Mahirap din pala yung nasanay kang umalis sa haus araw-araw. Kaya kapag ganitong may kaunti kang nararamdaman ay naiinip ka sa bahay. Naalala ko tuloy yung kuwento ni Alvin dun sa libro niya nung minsan maipit siya sa trapik at walang ibang magawa kundi libangin ang sarili sa loob ng sasakyan. Ganito kasi ang naramdaman ko, nung mapako ako sa bahay mula pa nung biyernes dahil na rin sa pamamaga ng paa ko. Nadiskubre ko tuloy na may nakatago pa pala akong duty...err i mean Mr. Goodbar at Milk Chocolate na gawa ng Hershey"s na galing sa Duty Free...ayun nailusot ko din. Newey, kapag pala nakapako ka lang sa bahay maghapon ay mauubusan ka rin pala ng gagawin. Ang inuna ko na ngang gawin ay yung kalawkawin ang mukha ng blog ko para mahaba-habang oras ang maubos ko. Pero kulang pa rin, kaya kinuha ko naman ang gitara, kinabitan ko ng Dimebag Darrell crybaby from hell wah pedal at pinag-aralang siprahin yung Twitty Conway na kanta, yun bang " Jimmy please say you'll wait for me...I'll grow up someday you'll see". Medyo mahirap ang tipa niya, hindi ko maidiin yung F sharp minor, kaya ibinalik ko na lang ang gitara sa sanglaan at binasa ko na lang yung tiktik anniversary issue nila. Mayroon ba kayong kakilala na mahilig gumitara?. Gusto ko kasi talagang matutuhan yung kanta ni Twitty Conway, may syota kasi ako dati na nakita ko sa isang website, peborit niya ang kantang ito, malay mo bigla uli kaming mag eyeball, matutugtog ko sa kanya ito ng live, kahit walang hawak na Jingle. Kaya kung may kilala kayong magaling gumitara, paki tawagan naman ako sa 5319001, direct line ko yun, mag-iwan lang kayo ng message kapag narinig nyo na yung BEEP. Huwag kayong mag-alala safe number ko yun at walang makakarinig sa usapan natin. Bibigyan ko ng duty...err i mean Hershey's chocolate na galing sa Duty Free ang sinumang makakapagturo sa akin kung paano gitarahin ang Twitty Conway na classic, ayoko nung may F sharp minor na tipa ha, please.