May bagong chibugan na naman akong nasubukan, ito yung Rai Rai (meaning- welcome) Ken (meaning-restaurant) Ramen House and Sushi Bar. Isa itong Japanese resto, pero aktuwali ang origin ng word na Rai Rai ay sa China, pero wala na akong paki-alam doon, basta ang masasabi ko lang ay masarap ang chibug nila. Sinubok ko dito yung Tuna and Tempura Bento, ito yung may kaunting kanin, Tuna na may Teriyaki sauce, Ebi Tempura, Moyashi Itame at isang drum na soup. Sa soup pa lang ay panalo ka na sa lasa, may timpla talaga siya, hindi katulad noong ibang soup jan na pinakuluang medyas lang at nilagyan ng knorr cubes. Yung namang buraot na kasama ko, ang inorder niya ay yung Kanton Men (letter N ang huli hindi T mga bastos), isang rekwang noodles ito na may fresh vegetables, karne, kaunting seafoods, may tufu pa nga akong nakitang nakalutang sa lintek na bowl. Masarap din daw sabi nung kasama ko. Dahil na rin sa mura lang ang chibug dito, umorder pa kami ng kaunting Niniko Gyoza, malaking version ito ng siomai na may kaunting garlic. In short, solb kami. Ano nga ba sa Japanese yung masarap na mura pa? Ah alam ko na, "Irashai Mase".
0 comments:
Post a Comment